Friday, April 27, 2018

ఈ చానెల్స్ మనకు అవసరమా?


              నాకు ఏ రాజకీయ పార్టీ తో గాని, రాజకీయ నాయకులతో కాని ఏవిధమైన సంబందం లేదు, నేను ఒక సామాన్య పౌరుడిని, ఈ మధ్య టి వీ చానెల్స్ లో వస్తున్న చర్చా కార్యక్రమాలు చూసి మనసు లో బాధతో రాస్తున్నా..


             మీడియా ఉన్నది ప్రజల సమస్యల పై పోరాడడానికి అని చిన్నప్పుడు చదువుకుని నిజమే కాబోలు అనుకున్నాం, కానీ ఇప్పుడు టీ వీ చానెల్స్ లో వస్తున్న చర్చా కార్యక్రమాలు ఎవరికి ఎలా ఉపగోగపడుతాయో ఎవరైనా చెప్పగలరా? ఒకరెవరో వస్తారు  ఫలాన హీరో గారి అభిమానులు నాకు ఫోనులు చేసి బెదిరిస్తున్నారు అని గంటలు, రోజులు , వారాలు నెలలు టీ వీ పెడితే అతను అతనితో చర్చ.... ఇది సమాజానికి  ఏవిధంగా ఉపయోగపడుతుందో సదరు టి వీ చానెల్స్ వాల్లే చెప్పాలి.  నాదొక సందేహం , ఒక మనిషి ని ఎవరైనా బెదిరిస్తున్నారు వాల్ల వల్ల తనకు ప్రాణ హాని ఉందెమో అని అనుమానం ఉంటే వెల్లాల్సింది టి వీ చానెల్కా? పోలీస్ స్టేషనుకా? మరి అలా అని ఒక సామాన్యుడు టి వి చనల్ కి వచ్చి నా పక్కింటోడు నన్ను తంతా అంటున్నాడు అంటే  టి వి చానల్స్ చర్చకు అనుమతిస్తాయా? తన స్వలాభం కోసం,  ప్రజల్లో పలుకు బడి ఉన్న హీరో లేదా రాజకీయ నాయకుడి అభిమానులు ఎవరో ఏదో చేస్తున్నారని వస్తే సిగ్గులేకుండా నెలలు నెలలు చర్చలు జరిపిన టి వి చానల్స్ కి బుద్దొచ్చేలా ఎవరూ చెయ్యలేరా?

                సినిమాలో కాస్టింగ్ కౌచ్, సినిమా ఇండస్ట్రీ లో కాస్టిం కౌచ్ ఉన్నదా లేదా అనే విషయం కొంచం పక్కన పెడదాం, ఇప్పుడూ జరుగుతున్న విషయం గురించి మాట్లాడదాం, ఒకమ్మాయి ఒకతనితో కొన్నాళ్లు సహజీవనం ( ఆమె చూపించిన ఏ ఒక్క ఫోటో లోను తను బాధ పడుతున్న ఆనవాలు లేవు కాబట్టి)   చేసి తరువాత ఇద్దరికీ ఏదో గొడవలు రావడం వల్ల టీ వీ చానెల్ కి వచ్చి నన్ను వాడుకుని సినిమాలలో చాన్సు ఇవ్వలేదు అంటే ఏమి జరిగి ఉంటుందో ఆలోచించలేని స్తితిలో టీ వీ చానల్ యాజమాన్యం ఉందా?  లేదంటే అర్ధం చేసుకునే ఆలోచన చెయ్యలేదా? ఆమె టీ వీ చనెల్స్ ప్రత్యక్ష ప్రసారం లో తన గురించి తనను ఎవరు ఎలా వాడుకున్నారొ పచ్చిగా నిస్సిగ్గుగా చెప్తుంటే కనీసం కొన్ని పదాలు సెన్సార్ చెయ్యలి అన్న ఆలోచన కూడా రాని టి వి చనెల్స్ తమ పీ ఆర్ పీ రేటింగుల కోసం అదే విషయాన్ని ఎన్నిసార్లు చూపిస్తారు? అర్ధ నగ్న ప్రదర్షణ చేస్తుంటే సిగ్గులేకుండా కెమరాలు ఫోకస్ చేసి ప్రత్యక్ష ప్రసారాల్లో బ్రేకింగ్ న్యూస్ అని చూపిస్తుంటే ఇది బ్రేకింగ్ న్యూసా అని అడిగే సాహసం ఎందుకు చెయ్యలేకపోతున్నాం? ఆ అమ్మాయి చేసింది క్విడ్ ప్రో కో , తనకు జరిగింది అన్యాయం అనుకుంటే పోలీస్ స్టేషన్ కు వెల్లి సదరు వ్యక్తి మీద కేసు ఫయిల్ చెయ్యాలి గానీ టీ వీ చానెల్ లో చర్చ పెట్టి నానా బూతులు టెలెకాస్ట్ చెయ్యొచ్చా?     

                రాష్ట్రం విడిపోయాక ఆంధ్రప్రదేష్  పరిస్తితి ఎలా ఉంది? మన రాష్ట్ర హక్కుల కోసం పోరాడాల్సిన ఈ సయమయంలో  ప్రజలను పక్క దోవ పట్టించి రాజకీయ నాయకుల లబ్ధి కోసం చంచా రాజకీయం చేస్తున్న  ఈ పనికి మాలిన టీ వీ చానల్స్ మనకు అవసరమా? 


               యాజమాన్యం తమ  చానెల్స్  రేటింగుల కోసం ఇంతలా దిగజారి వాల్లేం ప్రసారం చేస్తున్నారో వాళ్లకే తెలియకుండా ఒకరి ని మించి ఇంకొకరు చెప్పిందే చెప్పి చూపించిందే చూపిస్తూ ఉంటే ఎవరూ మాట్లాడరేంటి? ఈ చానెల్స్ అన్నీ రాజకీయ నాయకుల కనుసన్నళ్లో పనిచేసే తొత్తులు ఎదిరించి మనుగడ  సాధించలేమని భయమా?

                 చానెల్స్ లో చూపించే విషయాలకు ఒక నిబద్దత ఉండాలి,  కార్యక్రమాలు ప్రజలకు కొంతలో కొంతన్నా ఉపయోగపడెలా ఉండాలి, ఉపయోగపడే కార్యక్రమాలు ప్రసారం చేయలేనప్పుడు కనీసం హాని చెయ్యని విధంగా ఉన్నా ఒకరకంగా పరవాలెదేమో. 


                 అందరం కొన్ని రోజులు స్వచ్చందంగా అన్నీ న్యూస్ చానెల్స్ ని బాయ్ కాట్ చేసి హాపీ గా ఫ్యామిలి ,ఫ్రెండ్స్ తో గడిపితే ఎంత బాగుంటుంది? అప్పుడు దిగిరావా ఈ చనెల్స్? దయ చేసి ఆలోచించండి ఒక్క చానెల్ కాదు ఇలాంటి అర్ధరహిత చర్చలు ప్రసారం చేస్తున్న అన్నీ చానెల్స్ బాయ్ కాట్ చేద్దాం, అదీ ఇదీ కాదంటే కొన్ని రొజులు టీ వీ సబ్యత్వం రద్దు చేసుకుందాం మనకూ నాలుగు రూపాయలు  మిగులుతాయ్ ఈ చెత్త చూసే బాదా తప్పుతుంది , ఆలోచించండి మిత్రులారా ....   

Wednesday, June 10, 2015

చదరంగం - 2

జరిగిన విషయానికి ప్రజలకు అసలు సంబంధం ఏమిటి?
ఈ విషయంలో ప్రజలను పాత్రులను చెయ్యడానికి ఎందుకు  ప్రయత్నిస్తున్నారు?
ఇది ఐదు కోట్ల ఆంధ్రుల సమస్య ఎలా అవుతుంది?

1. ఒక ముఖ్యమంత్రి ఫోను ట్యాపింగు చేయడం నేరం - ఇది నిజం ఎందుకంటే ముఖ్యమంత్రిగా ఒక రాష్ట్రానికి సంబందించిన ఎన్నో కాంఫిడెన్షియల్ విషయాలు మాట్లాడుతుంటారు అలా ట్యాపింగు చెయ్యడంవల్ల అవతలవాల్లకు తెలియకూడని రాష్ట్రానికి సంబందించిన విషయాలు తెలుస్తాయి అది రాష్ట్ర సార్వభౌమాధికారానికి ముప్పు తెచ్చిపెట్టే అవకాశం ఉంది

     కానీ అవతలి వ్యక్తి ఫోను ట్యాపింగ్ చేసినా మీరు మట్లాడిన సంభాషణలు రికార్డవుతాయి, మీరు డబ్బుతో ఓటు కొనడం తప్పు దానిని పక్కదోవ పట్టించడానికి ఇది ట్యపింగ్ , అసలు ఈ వీడియో ఆడియో రికార్డింగులు ఎవరు బయటపెట్టారు? ఎవరు బయటపెదిటే ఏంటి? ఒకరు బయటపెడితె అది నిజం ఇంకోరు బయటపెడితే అదే అబద్దం అవుతుందా?

2. మీరు అసలు మాట్లాడారా లేదా? మాట్లాడకపోతే ఫోను ట్యాపింగు గురించి ఎందుకు మాట్లాడుతున్నారు?మాట్లాడారు కాబట్టే కదా మా ఫోన్లు ట్యాపింగ్ చేశారని మీరు అంటున్నారు

    మీరు తప్పు చేశారా లేదా?  మీరు తెప్పు చెయ్యకపోతే ఒకటే మాట ఇది మేము చెయ్యలేదు ఇవన్ని కల్పితాలు అని కోర్టుకు వెళ్లొచ్చు కదా?

3. అందరూ చేస్తున్నారు వాళ్లనెందుకు అడగరు అని అడ్డంగా వాదిస్తున్న నాయకులు నిజంగా మనుషులేనా ? అంటే మీరు తప్పు చేశామని ఒప్పుకుంటూనే అవతలవాళ్లని అడగమనడం నిజంగా అన్నంతినే మనిషి మాట్లాడే మాటేనా?

4. నిన్న ఒకనాయకుడు టీ వీ చానల్ లో చెప్తున్నాడు - మా ఐదుగురు యం యల్ ఏ లను వాళ్లు కొనలేదా అని , కొనడానికి , అమ్మడానికీ , అమ్ముడుపోవడానికీ ప్రజలు ఎన్నుకుంది నాయకులనా గొర్రెలనా?

5. ఐదుకోట్ల మంది ఆత్మ గౌరవానికి సంబందించిన విషయం - ఎలా అవుతుందండీ?   ప్రజలు ఓట్లేసి గెలిపించింది  వాళ్లకు ఏదో మంచి చేస్తారని రాష్ట్రాన్ని అభివృద్ది  పధంలో తీసుకెల్తారని అలా కాకుండా పక్క రాష్ట్రాల యం యల్ ఏ లను కొంటూ అడ్డంగా దొరికిపోయి ఇంకా ఈ బుకాయింపులెందుకు? మీరు చేసిన చండాలాన్ని ప్రజల మీద రుద్దేందుకు ఎందుకు ప్రయత్నిస్తున్నారు?
     
            ఇది కేవలం మీ పార్టీ , మీ నాయకులకు సంబందించిన విషయం,  ప్రజలకు  ఏమాత్రం సంబందంలేని విషయం, ప్రజలను రెచ్చగొట్టి వాళ్లను భాగస్వామ్యులను చెయ్యాలని ప్రయత్నించకండి ,     అలా చేయడంవల్ల ఇప్పుడు నష్టపోయే దానికంటే ఎక్కువ నష్టపోతారు జాగ్రత్త,   ప్రజలు అమాయకులే కావచ్చు కానీ మీరు చేసిన ఛండాలాన్ని నెత్తిన రుద్దుకునేంత అమాకులు మాత్రం కాదు, అలా భ్రమ పడిన పార్టీ ఆంధ్రాలో పుట్టగతుల్లేకుండా పోయింది  .

     

Sunday, June 07, 2015

చదరంగం

           మొత్తానికి ఎక్కడో తప్పు జరిగింది,  అన్ని రాజకీయ పార్టీలు చేస్తున్నదే కానీ దొరికినవాళ్లు మాత్రమే దొంగలు -  కాబట్టి నిజాయితీగా ఎదుర్కొనడం నిజాయితీ పరులు చేసే ఉత్తమమైన పని.

            అధికరాన్ని ఆత్మ రక్షణ కోసం ఉపయోగించుకోవడం ఒక నిజాయతీ ఉన్న నాయకుడు చేసే పని కాదు, నిజాయితీగా పదవికి రాజీనామా చేసి తన గొప్పతనాన్ని నిరూపించుకున్నాక పదవి తిరిగి పొందితే ప్రజలు ఎంతగానో హర్షిస్తారు.

           ఈ విషయంలో రెండు రాష్ట్రాల ప్రజలు కొంచెం సంయవనం పాటించి జరిగేదంతా నిశితంగా  పరిశీలించి తమ నిర్ణయం తెలియజేయాలి, ఇది కేవలం ఒక రాజకీయ ఆట ,  ఎత్తులకు పై ఎత్తులు వెయ్యడంలో సిద్ధ హస్తులైన ఇద్దరు ప్రముఖులు ఒకరిపై మరొకరు తమ ఆదిపత్యాన్ని నిరూపించుకోవడానికి ఆడుతున్న రాజకీయ చదరంగం ఇది కేవలం  ఇద్దరు  వ్యక్తుల లేదంటే రెండు రాజకీయ పార్టీల మధ్య వైరం మాత్రమే, దీనిని  రెండు రాష్ట్ర ప్రజల సమస్యగా మార్చాలని చూస్తున్న స్వార్ధపరుల వలలో పడవద్దని ప్రార్ధన.    

Monday, May 04, 2015

అందరూ కాపీ బాబులే

ఇప్పటివరకు కథలు కాపీ కొట్టారు, డైలాలుగు కాపీ కొట్టారు, మ్యూజిక్ కాపీ కొట్టారు, మొత్తానికి పోస్టరు కూడా కాపీ కొట్టే లెవల్ కి మన తెలుగు సినిమా దిగజారిందంటే అది ఎవరి చేతకానితనం అనుకోవాలి? పైరసీ నేరం సినిమాను థియేటర్లలోనే చూడాలి అప్పుడే మంచి చిత్రాలు తీయగలం అని చెప్పే పెద్ద పెద్ద దర్శకులే ఇలా కాపీలు కొట్టడం నిజంగా సిగ్గు చేటు,  మీరు కాపికొట్టి సినిమాలు తీయొచ్చు ప్రెక్షకులు మాత్రం డబ్బులు పెట్టిమాత్రమే మీ సినిమాలు చూడాలి ... ఇదెక్కడిన్యాయమండి బాబు... ఇలా సినిమా అంటేనే  కాపీ అనే భావనలోకి ప్రేక్షకుడు వచ్చే సమయం దగ్గరలోనే ఉందేమో