Wednesday, June 10, 2015

చదరంగం - 2

జరిగిన విషయానికి ప్రజలకు అసలు సంబంధం ఏమిటి?
ఈ విషయంలో ప్రజలను పాత్రులను చెయ్యడానికి ఎందుకు  ప్రయత్నిస్తున్నారు?
ఇది ఐదు కోట్ల ఆంధ్రుల సమస్య ఎలా అవుతుంది?

1. ఒక ముఖ్యమంత్రి ఫోను ట్యాపింగు చేయడం నేరం - ఇది నిజం ఎందుకంటే ముఖ్యమంత్రిగా ఒక రాష్ట్రానికి సంబందించిన ఎన్నో కాంఫిడెన్షియల్ విషయాలు మాట్లాడుతుంటారు అలా ట్యాపింగు చెయ్యడంవల్ల అవతలవాల్లకు తెలియకూడని రాష్ట్రానికి సంబందించిన విషయాలు తెలుస్తాయి అది రాష్ట్ర సార్వభౌమాధికారానికి ముప్పు తెచ్చిపెట్టే అవకాశం ఉంది

     కానీ అవతలి వ్యక్తి ఫోను ట్యాపింగ్ చేసినా మీరు మట్లాడిన సంభాషణలు రికార్డవుతాయి, మీరు డబ్బుతో ఓటు కొనడం తప్పు దానిని పక్కదోవ పట్టించడానికి ఇది ట్యపింగ్ , అసలు ఈ వీడియో ఆడియో రికార్డింగులు ఎవరు బయటపెట్టారు? ఎవరు బయటపెదిటే ఏంటి? ఒకరు బయటపెడితె అది నిజం ఇంకోరు బయటపెడితే అదే అబద్దం అవుతుందా?

2. మీరు అసలు మాట్లాడారా లేదా? మాట్లాడకపోతే ఫోను ట్యాపింగు గురించి ఎందుకు మాట్లాడుతున్నారు?మాట్లాడారు కాబట్టే కదా మా ఫోన్లు ట్యాపింగ్ చేశారని మీరు అంటున్నారు

    మీరు తప్పు చేశారా లేదా?  మీరు తెప్పు చెయ్యకపోతే ఒకటే మాట ఇది మేము చెయ్యలేదు ఇవన్ని కల్పితాలు అని కోర్టుకు వెళ్లొచ్చు కదా?

3. అందరూ చేస్తున్నారు వాళ్లనెందుకు అడగరు అని అడ్డంగా వాదిస్తున్న నాయకులు నిజంగా మనుషులేనా ? అంటే మీరు తప్పు చేశామని ఒప్పుకుంటూనే అవతలవాళ్లని అడగమనడం నిజంగా అన్నంతినే మనిషి మాట్లాడే మాటేనా?

4. నిన్న ఒకనాయకుడు టీ వీ చానల్ లో చెప్తున్నాడు - మా ఐదుగురు యం యల్ ఏ లను వాళ్లు కొనలేదా అని , కొనడానికి , అమ్మడానికీ , అమ్ముడుపోవడానికీ ప్రజలు ఎన్నుకుంది నాయకులనా గొర్రెలనా?

5. ఐదుకోట్ల మంది ఆత్మ గౌరవానికి సంబందించిన విషయం - ఎలా అవుతుందండీ?   ప్రజలు ఓట్లేసి గెలిపించింది  వాళ్లకు ఏదో మంచి చేస్తారని రాష్ట్రాన్ని అభివృద్ది  పధంలో తీసుకెల్తారని అలా కాకుండా పక్క రాష్ట్రాల యం యల్ ఏ లను కొంటూ అడ్డంగా దొరికిపోయి ఇంకా ఈ బుకాయింపులెందుకు? మీరు చేసిన చండాలాన్ని ప్రజల మీద రుద్దేందుకు ఎందుకు ప్రయత్నిస్తున్నారు?
     
            ఇది కేవలం మీ పార్టీ , మీ నాయకులకు సంబందించిన విషయం,  ప్రజలకు  ఏమాత్రం సంబందంలేని విషయం, ప్రజలను రెచ్చగొట్టి వాళ్లను భాగస్వామ్యులను చెయ్యాలని ప్రయత్నించకండి ,     అలా చేయడంవల్ల ఇప్పుడు నష్టపోయే దానికంటే ఎక్కువ నష్టపోతారు జాగ్రత్త,   ప్రజలు అమాయకులే కావచ్చు కానీ మీరు చేసిన ఛండాలాన్ని నెత్తిన రుద్దుకునేంత అమాకులు మాత్రం కాదు, అలా భ్రమ పడిన పార్టీ ఆంధ్రాలో పుట్టగతుల్లేకుండా పోయింది  .

     

Sunday, June 07, 2015

చదరంగం

           మొత్తానికి ఎక్కడో తప్పు జరిగింది,  అన్ని రాజకీయ పార్టీలు చేస్తున్నదే కానీ దొరికినవాళ్లు మాత్రమే దొంగలు -  కాబట్టి నిజాయితీగా ఎదుర్కొనడం నిజాయితీ పరులు చేసే ఉత్తమమైన పని.

            అధికరాన్ని ఆత్మ రక్షణ కోసం ఉపయోగించుకోవడం ఒక నిజాయతీ ఉన్న నాయకుడు చేసే పని కాదు, నిజాయితీగా పదవికి రాజీనామా చేసి తన గొప్పతనాన్ని నిరూపించుకున్నాక పదవి తిరిగి పొందితే ప్రజలు ఎంతగానో హర్షిస్తారు.

           ఈ విషయంలో రెండు రాష్ట్రాల ప్రజలు కొంచెం సంయవనం పాటించి జరిగేదంతా నిశితంగా  పరిశీలించి తమ నిర్ణయం తెలియజేయాలి, ఇది కేవలం ఒక రాజకీయ ఆట ,  ఎత్తులకు పై ఎత్తులు వెయ్యడంలో సిద్ధ హస్తులైన ఇద్దరు ప్రముఖులు ఒకరిపై మరొకరు తమ ఆదిపత్యాన్ని నిరూపించుకోవడానికి ఆడుతున్న రాజకీయ చదరంగం ఇది కేవలం  ఇద్దరు  వ్యక్తుల లేదంటే రెండు రాజకీయ పార్టీల మధ్య వైరం మాత్రమే, దీనిని  రెండు రాష్ట్ర ప్రజల సమస్యగా మార్చాలని చూస్తున్న స్వార్ధపరుల వలలో పడవద్దని ప్రార్ధన.    

Monday, May 04, 2015

అందరూ కాపీ బాబులే

ఇప్పటివరకు కథలు కాపీ కొట్టారు, డైలాలుగు కాపీ కొట్టారు, మ్యూజిక్ కాపీ కొట్టారు, మొత్తానికి పోస్టరు కూడా కాపీ కొట్టే లెవల్ కి మన తెలుగు సినిమా దిగజారిందంటే అది ఎవరి చేతకానితనం అనుకోవాలి? పైరసీ నేరం సినిమాను థియేటర్లలోనే చూడాలి అప్పుడే మంచి చిత్రాలు తీయగలం అని చెప్పే పెద్ద పెద్ద దర్శకులే ఇలా కాపీలు కొట్టడం నిజంగా సిగ్గు చేటు,  మీరు కాపికొట్టి సినిమాలు తీయొచ్చు ప్రెక్షకులు మాత్రం డబ్బులు పెట్టిమాత్రమే మీ సినిమాలు చూడాలి ... ఇదెక్కడిన్యాయమండి బాబు... ఇలా సినిమా అంటేనే  కాపీ అనే భావనలోకి ప్రేక్షకుడు వచ్చే సమయం దగ్గరలోనే ఉందేమో


Friday, April 24, 2015

ఉగాది సంబరాలు


విదేశాల్లో నివసిస్తున్న మన ప్రవాసాంధ్రులు తెలుగు భాష మీద మరియూ తెలుగు పండుగలమీద అభిమానంతో ముఖ్యమైన పండుగలకు తెలుగువారంతా ఒకచోట చేరి వేడుక చేసుకోవడం చాలా ప్రాంతాల్లో ఆనవాయితీగా ఉన్న సంగతి తెలిసిందే, ప్రధాన నగరాల్లో జరిగే ఈ వేడుకలు అప్పుడప్పుడూ మన తెలుగు టీ వీ చానల్స్ లో కవరేజి కూడ ఉంటుంది.

  గత నెలలో మన తెలుగు వారందరం ఉగాది పండగ జరుపుకున్నాం,  మేము ఉన్న ఊరులో (అల్బని, న్యూయార్క్)  ఈమధ్యే  ఈ సంవత్సర ఉగాది వేడుకలు జరిగాయి...

  సాధారణంగా తెలుగు వారిని ఆహ్వానించి , ఉచితంగా కాదండోయ్ డబ్బులు పెట్టి టికెట్ కొనుక్కుని రమ్మని ఆహ్వానం, అలా కొనుక్కుని వెళ్లేవాళ్లలో తెలుగు పండగ కాబట్టి తొంభై శాతం పైన తెలుగు వారు  మిగిలిన వారు దక్షణ భారతదేశపు మిత్రులు ఉంటారు,   ఈ కార్యక్రమానికి ఆంధ్రా / తెలంగాణ నుంచి   తెలుగు టీ వీ యాంకర్లు లేదంటే సినిమా ఆర్టిస్ట్ లు ఎవరో ఒకరు లేదంటే వీలున్న చోట ముగ్గురు నలుగురు అతిధుల ని పిలిపిస్తారు చాలా సంధర్భాల్లో ఈ అతిధులకు తెలుగు వచ్చినా మైకు తీసుకోగానే ఇంగ్లీష్ లేదంటే హిందీ విచ్చల విడిగా మాట్లాడేస్తుంటారు,  కాకపోతే ఈసారి ఒక్కరు మాత్రం నేను తెలుగులోనే మాట్లాడ్డానికి ప్రయత్నిస్తా అని ఇంగ్లీషు లో చెప్పి ఇంగ్లిషు లో వాయించింది మిగిలిన వాళ్లు కొంచం పరవాలేదు తెలుగు లోనే మాట్లాడారు

  అసలు ఇలాంటి వేడుకలు చేయడానికి  గల  ముఖ్య ఉద్దేశ్యం  మన పిల్లలు సంస్కృతి సంప్రదాయాలకు దూరం కాకుండా మన పండుగల ఔన్నత్యం గురించి పండుగల  గొప్పతనం గురంచి తెలియజేయడం, పెద్దవాళ్లు ఇండియాలో జరుపుకున్న పండుగల గ్ఞాపకాలను ఒకరికొకరు పంచుకుని మనమేమి మిస్సవుతున్నామో దానిని మరచిపోయి కొంతవరకన్నా తృప్తి పడడం  , కానీ ఇక్కడ జరిగేది మాత్రం పూర్తిగా   వేరు.  

  మూడు సంవత్సరాల పిల్లల నుండి వయసు మీడపడ్డ పెద్దవాళ్ల వరకు అందరూ స్టేజ్ మీద కనిపించి ఫోటోలు  , వీడియోలు తీసి అంతర్జాలం లో బందువులకు , మిత్రులకు పంచుకోవడం, ఇక్కడ జరిగే కార్యక్రమాలు కొన్ని ఝుగుప్సను కలిగింఛేవిలా ఉంటాయని ఈ వేడుకలకు విచ్చేసిన ప్రేక్షకులలో ఎవరినడిగినా నిర్భయంగా చెప్పగలరు.

    " అమ్మాయ్ మనసులో అబ్బాయ్ దూరేసి కిత కితలే పెట్టేస్తే ఏమవుతుంది...  " అనే ఈ పాటకి ఐదు ఆరు సంవత్సరాల వయసున్న చిన్న పిల్లలతో చిందులేయించడం

    తొమ్మిది పది సంవత్సరాల పిల్లలచేత ఒకదానికొకటి  సంబందంలేని ముడు నాలుగు ఐటెం సాంగ్స్ ని కలిపి ఆపాటలకు డాన్సులు చేయిస్తూ మనం పిల్లలకు ఏమి నేర్పుతున్నామో అర్ధమవుతందా?

    ఈ కార్యక్రమంలో తొంభై ఐదు శాతం కార్యక్రమాలు పిల్లలతో సినిమా పాటలకు చేయించిన (రికార్డింగ్) డాన్సులు  మాత్రమే.

    సినిమా పాటలకు చిన్నపిల్లలతో డాన్సులు చేయించడమా మన సంప్రదాయం?  ఇవేనా మన పిల్లలకు నేర్పించాల్సింది? మన తెలుగు జానపదాలు, సంగీతం , నృత్యం ఇలాంటి ఎన్నో కళలు మరుగునపడుతున్నాయ్ అని గగ్గోలుపెట్టే మనం మరి వాటినెందుకు మన పిల్లలతో చేయించలేకపోతున్నాం?  టీ వీ యాంకర్లు , సినిమా ఆర్టిస్టులు తప్ప మనకు వేరే ఎవరూ కనిపింఛడంలేదెందుకు మన హరికథలు బుర్ర కథలు , తోలుబొమ్మలు మనం చిన్నప్పుడు చూసిన ఇలాంటి ఎన్నో మరుగున పడుతున్న కళలను మన పిల్లలకు ఇలాంటి  వేడుకల ద్వారా పరిచయం  చేయలేకపొతున్నామెందుకు?  అన్న నా ప్రశ్నకు "అవన్నీ ఇప్పుడెవరు చూస్తారండి "  అన్నారు ఒకాయన "ఎందుకు చూడరండి మనం చూపిస్తే , ప్రయత్నిస్తే కదా చూస్తారో లేదో తెలిసేది అలా కాకుండా పోలో మని సినిమా పాటలకు డాన్స్ చెయ్యడం నేర్పింఛేసి వీడియోలు తీసుకుంటూ కూర్చుంటే అవి మన పిల్లలకు ఏవిధంగా ఉపయోగపడుతాయో చెప్పండి,   ఖర్మ కాలి ఎవరైనా విదేశీయులు  ఈ వేడుకలు చూస్తే వీల్ల సంస్కృతి ఇదేనేమో చిన్న పిల్లలతో చిందులేయించడం అనుకునే ప్రమాదం ఉంది కదా " అంటే " వాళ్ల సంస్కృతేమంత గొప్పదికాదుకదండీ అని సమాధానం " ఇలా వితండవాదం చేసేవాళ్ల వళ్లే  కాదా ఇలాంటి కార్యక్రమాలు రోజు రోజుకీ పెరిగిపోతున్నాయ్..

   ఇకపోతే ప్రత్యేక అథిధులుగా విచ్చేసిన టీ వీ ఆర్టిస్టులు మాట్లాడిన భాష ఏంటి ? ఒక స్త్రీ , ఒక పురుషుడు స్టేజి మీద వాడిన భాష తెలుగా? ప్రతి మాటలో ద్వంద్వార్ధం, దానికి పెద్దవాల్లు అరుపులు కేరింతలు , ఎందుకు నవ్వుతున్నారు అని పక్కన కూర్చున్న మన పిల్లలు అడిగితే మనమెందుకు నవ్వుతున్నామో మనస్సాక్షిగా  మన పిల్లలకు చెప్పగలమా?    ఒరే అని అమె అంటే వసే అని అతను ఇదెనా మనం పండుగ సంబరాల పేరుతో భావితరాల వాల్లకు నేర్పించేది

   పులిని చూసి నక్క వాతలు పెట్టుకుందన్న చందాన  టీ వీ ఆర్టిస్టులు స్టేజి మీద వాళ్లకు ఇష్టం వచ్చినట్లు మాట్లాడుతుంటే అది చూసి రెచ్చిపోయి మా స్దానిక యాంకరు   వచ్చి " నన్ను లోపల దొబ్బేస్తున్నారు " అని మైకు పట్టుకుని స్టేజి మీద మాట్లాడుతుంటే వీల్లను చూసి చప్పట్లు కొడుతున్న మన చేతకాని తనాననికి ఏమి పేరుపెట్టాలి?  

ఈ మొత్తం కార్యక్రమం లో చూడదగ్గ  కార్యక్రమాలేమైన ఊన్నాయా అంటే అవి


1.   క్లాసికల్ డాన్స్ (థిల్లానా)
2.   గంగావతరణం 

    నిజమైన మన సంప్రదాయాలను మనపిల్లలకు మన పిల్లలకు పరిచయం చేయలేమా?

   నేపద్యం లో కట్టిన బ్యానర్ లో కనిపించిన ఉగాది మచ్చుకైనా ప్రదర్షణలలో కనిపించలేదు .

   

Thursday, February 19, 2015

దృతరాష్ట్ర మంత్రాంగం - 3

అభివృద్ది వికేంద్రీకరణ అంటూనే రాజధాని నిర్మాణం కోసం 30 వేల ఎకరాల పై చిలుకు కావాలనీ అదీ సంవత్సరానికి మూడు పంటలిచ్చే పచ్చని పొలాలపై సౌధాలు నిర్మించాలని చట్టాలు మార్చి మరీ ప్రజల గొంతు నొక్కే ప్రయత్నం లో ఎన్నికలకోసం పెట్టుబడులు పెట్టిన వారికి మాత్రమే మంచి చెయ్యడానికి  ప్రస్తుత రాశ్ట్రప్రభుత్వం పనిచేస్తుందనడంలో సందేహం ఏమాత్రం లేదు.

ప్రజలకు కావల్సింది ప్రపంచంలోనే అతి పెద్ద రాజధాని మాత్రం కాదు నాయకులు చెప్పుకోవడానికి, ప్రజలను మభ్య పెట్టడానికి రోజుకొక వాగ్దానం చేసి వాటిని నిలబెట్టుకోలేక ప్రజల దృష్టిని రాజధాని వైపు మల్లించి కాలం గడుపుతున్నారని ఎవరైనా అంటే అది నిజం కాదని చెప్పే ధైర్యం రాష్ట్రప్రభుత్వానికి ఉందా?

ప్రజల అవసరాలను తీర్చడానికి ప్రభుత్వాలు కానీ పారిశ్రామిక వేత్తల మరియూ పార్టీ నాయకుల అవసరాలు తీర్చడనికి కాదు ప్రజలు ఒక్క క్షణం ఆలోచిస్తే ఏమవుతుందో ఆంధ్రాలో కాంగ్రెస్ , డిల్లీలో బీజేపీ కి ప్రజలిచ్చిన తీర్పు కల్లెదుట కనిపిస్తున్నా ఇంకా ప్రజలను మోసం చేసి కాలం వెల్లబుచ్చుదామనుకుంటే మీగతీ అధో గతే !!!

ఒకపక్క రాష్ట్ర ఆర్ధిక పరిస్తితి బగాలేదు అంటూ మీరు చేస్తున్న కార్యక్రమాలు చూసేవారెవరెవరైనా మీ నిజాయితీని శంకించక తప్పదు.

ఒకవేళ రాష్ట్ర ఆర్ధిక పరిస్తితి నిజంగా బాగాలేకపొతే - రాష్ట్ర ఆర్ధిక పరిస్తితి బాగాలేదు కనుక ఋణమాఫీ మరియూ నేను ఎన్నికల సమయంలో ఇచ్చిన హామీలు తీర్చడం సాధ్యం కాదు  నన్ను క్షమించండి నేను ఇచ్చిన వాగ్దానం తప్పాల్సిన పరిస్తితిలో నేనిలా మీముందుకొచ్చాను అని ఉంటే చంద్రబాబు నిజాయితీకి ప్రజలు బ్రహ్మరధం పట్టేవాల్లు.  

ఒక్కసారి రాజకీయాలు పక్కన పెట్టి నిజాయితీగా ఆలొచిద్దాం, ఎవరైనా


  • మాకు ఋణ మాఫీ కావాలని ఏ రైతు ఐనా అడిగారా?  
  • ప్రపంచంలోనే అతిగొప్ప రాజధాని కావాలని ప్రజలడిగారా?
  • మమ్మల్ని బిచ్చగాల్లను చేసి ముశ్టి వేయండి అని ఎప్పుడైన మీముందు చెయ్యి చాపారా?    


మొదటిసంతకం, రెండో సంతకం , మూడో సంతకం ...... ఎవరడిగారు చెయ్యలేని వాటికి సంతకాలు చెయ్యమని ?

ఏదీ ప్రజలడగలేదు మీ పదవులకోసం ప్రజల్ని సోమరిపోతులనుకుని ఇష్టం వచ్చిన వాగ్దానాలు  మీరే చేశారు,  పోనీ, కుదరదు అని చెప్పడానికి ఈగో అడ్డొచ్చిందని అనుకుందాం , మన ఇంట్లో ఐతే ఇలానే చెస్తామా? ఇంట్లో అర్ధిక పరిస్తితి బాగాలేకపోతే ప్యాలెసు  కట్టడానికి ప్లాన్ చేస్తామా? ఆర్ధిక పరిస్తితి గట్టేక్కించడానికి ప్రయత్నిస్తామా? మరి అలా ఇప్పుడెందుకు ప్లాన్ చెయ్యలేకపొతున్నాం మన ఇల్లు వేరు రాష్ట్రం వేరా? పరిపాలింఛే నాయకుడు ప్రజలను కన్న బిడ్డలుగా చూసుకోవాలని ఎప్పుడూ వినలేదా , చదవలేదా? బిడ్డలను రోడ్డున పడేసి సౌదాలు ఎవరికోసం?  ఒక్కసారి అలోచించలేరా?


  • ప్రజలు తమంత తాము పనిచేసుకోవడానికి , కష్టపడి సంపాయించుకోవడానికి మీరేం చెస్తున్నారొ అది చెప్పండి
  • పెరిగిన నిత్యావసర ధరల నియంత్రన కోసం చేయబోయే కార్యక్రమాలు వివరించండి ఆచరణలో పెట్టండిచదువుకున్న నిరుద్యోగులకు మీరు చూపించే దారి వివరించండి   
  • ప్రభుత్వ పాఠశాలలు , కళాశాలల పనితీరు మెరుగు పరిచే కార్యక్రమాలేమైన ఉంటే అవి చెప్పండి 


అంతేగాని వీటన్నింటికీ రాజధాని నిర్మాణమే పరిష్కారమని చెప్తే నమ్మే అంత తెలివితక్కువ వాళ్లు కాదు ప్రజలు, మీరు దోచుకున్నారంటే మీరు దోచుకున్నారని  ఒకరినొకరు నిందించుకోవడం ఆపండి, ఎవరేం దోచుకున్నారొ , దోచుకుంటున్నారొ ప్రజలు గమనిస్తూనే ఉన్నారు.